Poesie (Porta)/30 - I SETT DESGRAZZI
{{ #ifeq: 30 - I SETT DESGRAZZI ||{{ #ifeq: Carlo Porta || | }}{{ #ifeq: || |[[Categoria:Testi di {{{Nome e cognome del secondo autore}}}]] }}{{ #ifeq: XIX secolo || | }}{{ #ifeq: || | }}{{ #ifeq: || |[[Categoria:Testi del {{{Eventuale secondo anno di pubblicazione}}}]] }}{{ #ifeq: || | }}{{ #ifeq: || |[[Categoria:Opere letterarie del {{{Eventuale secondo anno di pubblicazione}}}]] }}{{ #ifeq: XIX secolo || | }} | }}
Image:Books-aj.svg aj ashton 01f.svg|25px default Questo testo fa parte del "Progetto Letteratura". Premi sull'icona per saperne di più. desc none
</imagemap>
{{ #ifeq: Poesie || |}}{{ #ifeq: Carlo Porta
|| ||| | e [[Autore:{{{Nome e cognome del secondo autore}}}|{{{Nome e cognome del secondo autore}}}]]
}}}}{{ #ifeq: ||{{ #ifeq:
||}}
|}}
Template:Capitolo <poem> I SETT DESGRAZZI
On pover cereghett schisciamicchin, per toeuss sto carnevaa on divertiment, l'ha pientaa ona pastoccia ai soeu parent e l'è sghimbiaa alla festa al Teatrin.
Però per no fà tort al collarin 5 el s'è vestii de mascher bravament, barattand contra on scud de pagament l'abet de pret in l'abet d'on pollin.
Ma el Diavol, nemis nassuu e giuraa de tucc i cristian, ma anmò pussee 10 de quij che gh'han sul coo quell'O pelaa,
prevedend fors ch'el studi o la fortuna podeven tirall foeura del vivee, l'ha ressolt de strozzà el prevost in cuna
e el teghe n'ha faa vuna 15 proppi maggenga e pesc della tempesta, che in pocch paroll, senza tant franz, l'è questa.
Appenna sulla festa el ghe spediss incontra on bell donnin cont on cuu pù redond d'on pomm poppin, 20
de moeud che l'Abbadin, che l'è de carna infin, che infin l'è on omm, nol pò de manch de pettà i ong sul pomm,
e in quella on galantomm de quij tal della gippa de Baltramm 25 el ferma al vol sto bell sciampin d'Adamm.
Ah traditor infamm d'on demoni! va là: corregh adree, fagh pur fà de maross anch la minee
intant ch'el va a pollee!! 30 Va là: sattisfet pur, fa i tò vendett, d'ona desgrazia faghen foeura sett,
demoni marcadett!! Sissignor, proppi sett, nanch vuna men, cuntej, e vedarii se dighi ben. 35
Vuna: l'arrest. Dò: el pien coj soeu de cà che pronten la cannella. La terza: i guaj e el rughli della soa bella.
La quarta: la querella e el nihil transit de Monscior Vicari. 40 La quinta: el benefizzi che va all'ari.
La sesta: el vestiari de pagà al mascaree fin che 'l stà dent, ciovè a tutt sabet grass comodament.
L'ultema, finalment, 45 quella d'avè daa el nas in d'on poetta che spantega sto fatt con la trombetta.
</poem> Template:Capitolo